Kisi Ki Rah Me Aankhan Bicha Ker Kuch Nahi Milta

Kisi Ki Rah Me Aankhan Bicha Ker Kuch Nahi Milta,

Ye Dunya Bewafa Hai Dil laga Ker Kuch Nahi Milta,

Koi bhi luat Ker Ata Nahi Aanso Bahane Se,

Kisi Ki Yaad Me Dil Ko Rula Ker Kuch Nahi Milta, 

Kisi Ki Dil Pe Kia Guzri Kisi Ko Kya Khaber,

Kisi Ko Apna Hal-E-Dil Suna Ker Kuch Nahi Milta,

Jo Dil Me Baat Hoti Hai Woh Khud Aankhain Batati Hain,

Kisi Bhi Baat Ko Dil Me Chupa Ker Kuch Nahi Milta........

Jo na hua kabhi woh ek raat ho gya

Jo na hua kabhi woh ek raat ho gya,

Chand ko suraj se pyar ho gya.

Chand k jatay hi aasmaan udaas ho gya,

Suraj to jalta hi raha intezar mein or aag ho gya.

Suraj ki khata se chand k liye andhera ho gya,

Chand ne ki bewafai or taaron k saath ho gya.

Sila mila kuch is tarha dono pe girhan ho gya,

Karte rahay berukhi hamesha k liye,

Ek ban gaya DIN or dosra Raat ho gaya. . .

Lekhan vich wichoray reh gy. Sad Urdu Poetry

Lekhan vich wichoray reh gy.

Athroo ro ro thoray reh gy.

Ik na manni onay mri,

Hath v mere joray reh gy. 

Jandi wari chad gya menu,

Pijjay vaal nichoray re gy.

Eid di fajray mur ni aya,

Motiye de phul toray reh gy.

Hun te aa ky mil sajna nu,

Zindagi de din thoray reh gy. . .

Mera saawan B tum ho meri pyas B tum ho,

Mera saawan B tum ho meri pyas B tum ho,

Sehra ki bahon mein chupi aas B tum ho,

Tum yun to bht door bht door ho mujh sy,

Ehsaas ye hota hy Mery paas B tum ho. 

Hr zakham ki aghosh mein hy dard tumhara,

Hr dard mein taskeen ka ehsaas B tum ho.

Kho jao to veeran c ho jaati hein rahein,

Mil jao to phir Jeeny ka ehsaas B tum ho.

Likhta hon to tum hi utarty ho qalam sy,

Parhta hon to lehja B tum,Aawaz B tum ho…!

Un jheel si gehri aankhon mein. . .

Unn jheel si gehri aankhon mein ik shaam kaheen abad to ho

uss jheel kinaaray pal do pal

ik khwaab ka neela phool khilay.....

wo phool bahaa dein lehron mein

ik roz kabhi hum shaam dhalay......

uss phool kay behtay rangoun mein

jis waqt larazta chaand chalay

uss waqt kaheen unn aankon mein uss bisray pal ki yaad to ho

unn jheel si gehri aankhon mein ik shaam kaheen abad to ho



Phir chaahay umer samundar ki

har mouj pareshaan ho jaaye....

phir chaahay aankh dareechay say

har khwaab guraizaan ho jaaye....

phir chaahay phool kay chehray ka

har dard numaayaan ho jaaye.....

uss jheel kinaaray pal do pal wo roop nagar ejaad to ho

din raat kay uss aayinay mein wo aks kabhi azad to ho

unn jheel si gehri aankhon mein ik shaam kaheen abad to ho. . .

Poochte ho to suno kaun hoon main

Poochte ho to suno kaun hoon main

chand simte hue ashaar hoon main

Sirf tareef se yahan kuch nahi hota

aapki duaon ka talabgaar hoon main

Bayaan-e-dil pesh karta hoon jabh

log kehte hai dil-e-beemar hoon main

Bolun agar khara to hoon shamsheer

aur agar likh daalon to talvaar hoon main

Tareef karne par agar utar aaon kabhi

to gulfaam hoon mai, gulzaar hoon main

Jazbaat ko savaarna jaanta hoon bahut khoob

shayeri ka sar-taj hoon, shahkaar hoon main

Lafzon se yun khelna sabko nahi aata

mujhe aata hai, samajhdaar hoon main

Hain aur bhi sukhanwar is hunar ke dost

math bolo ke 'Tanha' gunhagaar hoon main

Yeh Jism tu fani hai.... Sad Urdu Poetry

Barish mein jo nikli main 

maatam ki sada aayi

noha mera kehne ko 

pur-shur hawa ayi.

Iss ghar ki chatien kuch tu 

mazboot karu tum bhi

baher tu zara jhankuo 

ghanghor ghata aayi.

Main baech ke puhnchi hoon 

iss dil ki sabhi qadrein

per log kehte hein....

main bighri ko bana aayi.

Nuqsaan tumhara hai

tum ne na suna kuch bhi

dilchasp sa qissa tha

gheeroon ko suna aayi

Yeh jism tu fani hai

ruhon ka milan huga

yeh jiss mein likha tum ne..

woh khat bhi jala aayi

Main haar chuki baazi

iss aankh macholi ki

her simat tumhein dhonda

her simat hila aayi.

SUNO DECEMBER TUM MAT AAYA KARO!!!!!

December tum mat aaya karo

Suno k

Jab bhi tum aate ho 

Udasiyon ki undeikhi 

BARISHON MEIN DIL KO BHIGHO DEITE HO

Tum aate ho to... 

Barfeeli si tanhaiyon ki 

Sard hawa kantton ki tarah 

Rag-e-jaan mein chubhne lagti hai

Aur akayle pan mein 

Dukh jaag kar 

Neendon ko nigel jate hein

Aur jo apne.. 

Judaai ki dhund mein.. Kho gaye hein 

Hum se buhat door ho gaye hein 

Unki yaad.. phir se aane lagti hai 

"Suno December" Tum mat aaya karo!!!

Dastak kissi ki hai ke... Sad Urdu Poetry

Dastak kisi ki hai ke guman, dekhnay tou de

Darwaza humain tez hawa kholnay tou de

Souda hai umr bhar ka, koye khail tou nahi

Ae chashm-e-yaar, mujh ko zara sochnay tou de

Apnay lahu ki taal pe khawahishon ke mor ko

Ae dasht-e-ehtiyat, kabhi nachnay tou de 

Yeh saat aasman kabhi mukhtasir tou hon

Yeh ghoomti zameen kahin thairnay tou de

Us harf kun ki ek amanat hai mere paas

Laikin yeh kaiynat mujhay bolnay tou de

Shayed kisi lakeer mein likha ho mera naam

Ae dost, apna hath mujhay dekhnay tou de

Kaisay kisi ki yaad ka chehra banaoon ga

Amjad woh koye baat mujhay bhoolnay tou de

Hum ne aaj kuch sach likhne ki himmat ki hai

Hum ne aaj kuch sach likhne ki himmat ki hai

Koi jadoo nahi! hum ne tum se mohabbat ki hai

Woh ek lamha bhi jo teri yaad ke bina guzra

Us pal mein hum ne khud se bhi nafrat ki hai

Har shakhs milta hai aaker hume khuloos se

Baat meri soorat ki nahi! baat to seerat ki hai 

Tum se pahle koi bhi na aa saka wahaan

Dost jis dil pe aaj tum ne hukumat ki hai

Ye mere dil ka dard kam kyun nahi hota

Aie dil hum ne kya dukhon se ulfat ki hai

Sazaa milegi tum ko bhi iss faisle ke baad

Mere zameer ne sach bolne ki jurrat ki hai

Kya karoon ! woh to pyar ka matlab bhi nahi janta

Dil-e-Nadan hum ne kis shakhs se mohabbat ki hai

Hum bhi kuch aisa kamaal karna chahte hain

Hum bhi kuch aisa kamaal karna chahte hain

Hum chand ko qareeb se dekhna chahte hain

Ab ye jaan jaye ya rahe safar-e-mohabbat mein

Hum to bas apna wada nibhana chahte hain

Suna hai ke maut badi haseen ho jayegi isliye

Hum unki baahon mein marna chahtey hain 

Meri deewangi to dekho ke ek pathar se

Hum apna haal-e-dil sunana chahte hain

Koi to ho jo rooke iss waqt-e-tufaan ko

Hum ek aashiyaan banana chahte hain

Ae DIL-e-Nadan zara tham ke dharakna seekho

Hum us shakhs ko bhulana chahte hain

Meri mohabbat ki koi misaal nahi hai

Meri mohabbat ki koi misaal nahi hai

Main kesy keh doun ke tu meri jaan nahi hai

Main giraftaar houn teri mohabbat mein lekin

Ek ye bhi sach hai tu mera imaan nahi hai

Main tumko padhta houn tumko poojta houn

Har chehra tujh jaisa aaina nahi hai

Ae dil tu mujhe apne aaghosh mein le le

Meri to khud apni koi pahchan nahi hai

Tu jaan bhi maange to hans ke tujhe de doun

YASER mujhe ab jeene ka koi imkaan nahi hai

Teri yaad ki chadar bichaa kar baith jate hain Sad Urdu Poetry

Teri yaad ki chadar bichaa kar baith jate hain

Shaam hotey hi dil ko jala kar baith jate hain

Tum jab bhi nahi aate ho apne wadon par

Hum aankh mein aansoo saja kar baith jate hain

Jab kabhi hume ghurbat ka khayaal aaya

katora le kar faqeeron ke sath baith jatee hain

jab bhi jee chaha khuda se baat karne ko

wazoo kar ke quraan utha kar baith jate hain

DIL-e-SaGAR unko kabhi bhi manzil mil nahi sakti

Jo thak ke hath par hath rakh kar baith jate hain

Firaaq Ke Lamhe Sad Urdu Poetry

Tere Firaaq k lamhe shumar karte hoye,

Bikhar gaye hain Tera Intizaar karte hoye

To Mai b Khush hoon koi us se ja k keh de,

Agar wo Khush hai Mujhe Be-Qarar karte hoye

Mai Muskurata hua Aaine mai ubhrunga,

Wo Ro parega Achanak Singhaar karte hoye

Tujhe Khabar hi nahi Toot gaya hai koi,

Mohabbat ko boht Paaidar karte hoye

Wo Keh rahi thi Samandar nahin hai Aankhon mai,

Mai un mai Doob gaya Aitbaar karte hoye

~*~Jo Mila~*~ Sad Urdu Poetry

Jo mila us ne mere dil ko khelona jana

Kheel k toor deya

Toor k choor deya

Hai yeh mera afsana

Main ne har dard ko sene se lagana chaha

Khud sitam sah k zamane ko hansana chaha

Phir bhi duniya hai khafa

Mera dil meri wafa

Koi nahi pahchana

Aankh main sare zamane ki khatakta hi raha

Dard_e_ awara ki mannde bhatakta hi raha

Urte patoon ki tara 

Main to jis simt chala

Sath chala virana

Jo mila us ne mere dil ko khelona jana

Tumhara Naam Likh Likh Ker

Tumhara Naam likh likh ker Mitana bhool jata hoon

Tumhein jab Yaad karta hoon, Bhulana bhool jata hoon

Boht si aisi Baatein hain jo Mere Dil mai rehti hain

Magar jab Tum se milta hoon, Sunana bhool jata hoon

Tumhare baad ab her Pal bari Mushkil se Kat-ta hai

Mai aksar Tum ko Khuwabon mai, Batana bhool jata hoon

Mai her Shaam kehta hoon Tum ko bhool jaoonga

Magar jab Subah hoti hai, Iraada bhool jata hoon

Chirag-e-hasrat Sad Urdu Poetry

Har din nazar aata hai mujhe raat tere baad

Phir zindagi ne chora mera sath tere baad

Mere hont hansi bhoole meri ankh hue num

Kitne bure hue hain halat tere baad

Hain nafraten hi nafraten aa dekh to sahi

Dunia hoi hai kitni badzaat tere baad

Ansoo hain keh ankhon ka bharam rakhte hi nahi

Rukti nahi hai ashkon ki barsaat tere baad

Tahzeeb tujh ko bholna chahe tu kis tarah

Hain dil mein ab bhi tere khaialaat tere baad

Wo Samne Aaye To... Sad Urdu Poetry

Wo samne aye to Nazron ko Jhukaa loon gi 

Dekhoon gi nahi phir bhi Tasweer bana loon gi

Aana ho to aa jao Ruswayee nahi hogi

Dekhega nahi koi Palkon mai chupa loon gi

Jo Hum per guzarni hai ek bar guzar jaye

Her Gham ki tarha Tujh ko Seene se laga loon gi

Weeran agar Dil ho Aankhon mai Andhera ho

Yaadon ke Diye apni Palkon mai saja loon gi

Manzoor agar hogi Ruswayi Teri Mujh ko

Mai beth ke Sahil se Toofaan utha loon gi

Kyun Mujh se Khafa ho ker wo Door gaye

Baanhon mai wo aa jayaen mai un ko Mana loon gi

Tum Meri Ho Sad Urdu Poetry

Mujhe Kaamil Yaqeen Hai Tum Meri Ho Jao Gi Aik Din 

Tumhare Dil Mai Utroon Ga, Muhabbat Ki Sada Ban Ker

Mere Josh-e-Janoon Per Sari Khalqat Mujh Ko Takti Hai

Zara Tum Bhi Nazar Dalo, Na Bhetho Yun Khuda Ban Ker

Tumhein Yeh Raaz Batla Doon, Ke Akser Chaand Ratoon Main

Tere Aangan Mai Aata Hoon Sitaron Ki Zaya Ban Ker

Jigar Ka Khoon Laya Hoon Tere Singhar Ki Khaatir

Hatheli Per Racha Lena Yeh Mehkey Ga Heena Ban Ker

Tumhein Jab Yaad Karta Hoon To Kesey Jaan Sulagti Hai

Tumhein Bhi Taras Aaye Ga Kabhi Socho 'Raza' Ban Ker

Daagh e hasrat Sad Urdu Poetry

Daagh e dil ye dil muje dhonay nahi deta....

Dolat tu apni koi b khonay nahi deta....

Hoti hai laakh ghum ki dawa neend b magr....

Hota hai aisa ghum b k sonay nahi deta.

Kyon na jale jigr milta hai tapaak se....

Tasvir b jiski main choonay nahi deta.

Ashko se izhar e ghum karte nahi kyo k....

Lihaaz e ehle chashm e nam ronay nahi deta.

Chahat si na chaah mili warna main tu ''Dosh''.....

Mar deta usko juda honay nahi deta.

Naqami-e-Ishq Sad Urdu Poetry

Kyun pyaar us par hi aata hai,

Jo mil kar bhi naa mil pata hai.

Kaise yeh usse batayein hum,

Tujh bin rah na paayein hum.

Kyun baar baar woh satata hai -

Kuwaabon main aakar rulata hai?

Bhulanaa us ko chahein hum,

Par kis tarah bhulaayein hum?

Woh mann main har dum rahta hai,

Dharkan ki tarah dharkta hai.

Hain issi ehsaas se zindaa hum,

Hain ek-duje ke dil o jaan hum.

Ek duje ke dil main rahte hain -

Kya pyaar issi ko kahte hain?

Ye Dil Tum Se Pyaar Karna Chahta Hai

Ye Dil Tum Se Pyaar Karna Chahta Hai

Apni Mohabbat ka Iqraar karna chahta hai

Jab se dekha hai Tum ko Ae Sanam!!

Bas Tumhara hi Dedaar karna chahta hai

Logon se sunte the Mohabbat ke Afsaane

Khuwaab Hum ne bhi dekhhe the Suhaane

Pyaar kya hai ? Hum aksar sochte the

Is Baat se Hum apne Dil ko rokte the

Lekin ab Tumhain is Dil main basa ker

Yeh Khata ek baar karna chahta hai

Yeh Dil Tum se Pyaar karna chahta hai

Apni Mohabbat ka Izhaar karna chahta hai

Hum Nazuk Nazuk Dil Wale Sad Urdu Poetry

Hum Nazuk Nazuk Dil wale Bus aise hi to hote hain

Kabi Hanste hain Kabi Rote hain Kabi Dil mai Khuwab pirotey hain

Kabi Mehfil Mehfil phirtey hian, Kabi Zaat mai Tanha hote hain

Kabi Chup ki Mohrr lagate hain, Kabi Geet Labon per latey hian

Kabi Sab ka Dil Behlatey hain, Kabi Khood mai Tanha hote hain

Kabi Shab-Bhar Jagte rehte hain, Kabi Lambi Taan ker sotey hain

Hum Nazuk Nazuk Dil wale Bus aise hi to hote hain

Kabi Hanste hain Kabi Rote hain Kabi Dil mai Khuwab pirotey hain

Patthar tha Magar..... Sad Urdu Poetry

Patthar tha Magar Baraf k Galon ki tarha tha

Ek Shakhs Andheron mai Ujaalon ki tarha tha

Khawbon ki tarha tha na Khayalon ki tarha tha

Woh Ilm-e-Riyaazi k Sawalon ki tarha tha

Uljha hua aisa k kabhi Hal ho nahi paya

Suljha hua aisa k Misaalon ki tarha tha

Wo Mil to gaya tha Magar apna hi Muqaddar

Shatranj ki Uljhi hoi Chaalon ki tarha tha

Wo Rooh mai Khushbo ki tarha ho gaya Tehleel

Jo Door boht Chand k Haalon ki tarha tha

Tujh Ko Dekhta Rahoon Sad Urdu Poetry

Is Jahan ko dekhta rahoon ya Tujh ko Dekhta rahoon

Tu Mere Samne bethi rahi Tujh ko Dekhta rahoon

Kaash Ghunghat Zamane ka hat jaye

Aur Mai Haseen Aankhon ko Teri Dekhta rahoon

Jab aa jayein Mehfil mai Shama-e-Janaan ban ker

To Mai is Jahan ko chor ker usko Dekhta rahoon

Usne kaha kon ho Tum? Sad Urdu Poetry

Usne kaha kon ho Tum?

Mai ne kaha Hasrat Tumari

Usne kaha Taktey ho kya?

Mai ne kaha Surat Tumhari

Us ne kaha kartey ho kya?

Mai ne kaha Pooja Tumhari

Usne kaha Kaafir ho kya?

Mai ne kaha aisa hi sahi

Usne kaha chatey ho kya?

Mai ne kaha Mohabbat Tumhari

Usne kaha Pachtaoge,

Mai ne kaha KismatHamari

Usne Kaha Married hoon mai.

Mai ne kaha Sorry BAJI

Sarey Mausam Tere Naam

Surkh Ghulab k Sarey Mausam Tere Naam 

Her Subah ka pehla Ujaala Tere Naam

Teri Yaad ka behta Darya Mere lye

Behti Jheel mai Phool Kanwal ka Tere Naam

Jitne Khawab Khuda ne Mere Naam likhe

Un Khawabon ka Resha Resha Tere Naam

Tere bina jo Umar Beeti Beet gayi

Ab is Umar ka baqi Hissa Tere Naam

Sab Ek Se Hain

Deepak Jugunu Chand Sitare Ek se Hai

Yani Saare Ishq ke Maare Ek se Hain !

Hijr ki Shab me Dekh to aake Mere Chand

Mere Aansu aur ye Taare Ek se Hain !

Darya Hoon Mai Bher Bhav ko kya janu

Mere Liye to Dono Kinare Ek se Hain !

Meri Kashti kis ne Duboyi kya Maloom

Sari Lehrien saare Dhaare Ek se Hain !

Kuch apne aur kuch Be-Gaane aur Mai khud

Meri Jaan k Dushman saare Ek se Hain !

Ab Batlao Hum kis se Fariyad Karien

Kaatil, Haakim, Munsif saare Ek se Hain !

Kya Tumhein Main Kabhi Yaad Nahi Aaya Sad Urdu Poetry

Kya Tumhein Main Kabhi Yaad Nahi Aaya

To kya Tumhain, Main kabhi Yaad hi nahi aaya?

Kisi Ghulaab ki Khushboo k bikharne per b

Zara se Aab ke Aankhon mai utarne per b

Kitaab uthate hoye, Geet koi Gatey hoye

Sanwar k dair talak Aainey ko takte hoye!

To kya Tumhain Mai kabhi Yaad hi nahi aaya?

Subha ko uthtay hoye, Shaam ko Tehlte hoye

Neend na aaye agar Karwatein badalte hoye

Kabhi yun hi kisi Makhsoos Dhun ko sunte hoye

Faarig Auqaat mai koi Kitaab parhte hoye!

To kya Tumhain, Main kabhi Yaad hi nahi aaya?

Baraste Abr mai Chhat per kabhi Khare ho ker

Kisi ke Rooth ke Jaane per Chirchiray ho ker

Kisi Saheli se bus yun hi Baat karte hoye

Kisi Khayal mai Bethe se uth ke chalte hoye

Kisi bhi Raat ko uth ker yun hi Tehlte hoye!

To kya Tumhain, Main kabhi Yaad hi nahi aaya?

Akele yun hi kabhi apni Dhun main chlate hoye

Kisi ki Saalgira per yun hi behlte hoye

Kisi unchayi pe Tanha sambhal ke charte hoye

Utarte Chaand ka Mojon mai Aks parte hoye!

To kya Tumhain, Main kabhi Yaad hi nahi aaya?

Kisi Gulaab ko Tehni se Torr ker bhi nahi??

Kisi Darakht ke Saaye mai beth ker bhi nahi??

Apne Darwaze pe Dastak koi Sun ker bhi nahi??

Kisi Dareecha-e-Makaan se Khaank ker bhi nahi??

To kya Tumhain, Main kabhi Yaad hi nahi aaya?

Apni Kitab mai koi Naam dekh ker bhi nahi??

Yaad-e-Maazi mai kahin Door Doob ker bhi nahi??

Kisi bhi Shakhs ko Khamosh dekh ker bhi nahi??

Kisi bhi Aankh ko Namm dekh ker bhi nahi??

Kahin Lafzon mai koi Aah dekh kar bhi nahi?

Azaan hoye hi Duaaon mai bhi nahi??

To kya Tumhain, Main kabhi Yaad hi nahi aaya?

Sitam hi karna Jafa hi karna

Sitam hi karna Jafa hi karna

Nigaah-e-lutf kabhi na karna

Tumhein Qasam hai Hamaare Sar ki

Hamare Haq mai Kami na karna

Kahan ka Aana kahan ka Jana

Wo jante hi nahi ye Rasmein

Wahan hai Waade ki bhi ye Surat

Kabhi to karna kabhi na karna

Hamari Mayyat pe Tum jo aana

To chaar Aansu baha ke jana

Zara Rahe Paas-e-Aabru bhi

Kahin Hamari Hansi na karna

Wo ek Hamara Tarq-e-Ulfat k

Dushmanon se bhi mil ke chalna

Ye ek Shewa Tera Sitamgar k

Dost se Dosti na karna

Zillat-e-tanhai se ghabra ke aae hon......!!

Zillat-e-tanhai se ghabra ke aae hon,

Main abhi abhi shehr-e-wafa se aae hon.

Kuch dair hawa ko baton mein lagae rakhna,

Main ghar mein ek charagh jala ke aae hon.

Usne pocha hai ehad-e-wafa nibhahon gi,

So hathon mein Quraan utha ke aae hon.

Wo chahe to ab mujh se tark-e-taluq kr le,

Wo meri zindagi hai usse bta ke aae hon.

Wo ab be mujhe anna-parst samjhta hai,

Main jise roo roo ke mana ke aae hon.

Zindagi Tujhko Bhala Kya Apna Banayein Hum

Zindagi Tujhko Bhala Kya Apna Banayein Hum, 

Maut Se Khud Baithe Hai Dil Lagaye Hum, 

Kadmon Ki Aahat Ho To Lagta Hai Wo Aaye, 

Rakhte Hai Khud Apna Kafan Sajaye Hum, 

Koi Aayega Aur Phir Kahega Bewafa Hamein,

Baithe Hai Dekho Apna Sar Jhukaye Hum, 

Likh De Koi Kahani Meri Chahe Adhuri Sahi, 

Phirte Hai Haath Mein Kora Kaagaz Uthaye Hum, 

Har Shakhs Ke Do Chehre Nazar Aate Hai Hamein,

Ab Kisko Dein Dua Aur Kise Baddua Hum...

Zindagi ka sochta hoon na ...! Sad Urdu Poetry

Zindagi ka 

sochta hoon na zamaney ka 

sochta hoon,

Main to bas 

usey apna 

bananey ka 

sochta hoon,

Us key rooth janey key andaz ki qasam,

Woh rooth jaey to mananey ka 

sochta hoon,

Us ney na ki wafa to koi gila nahin,

Main us sey wafaen nibhaney ka sochta hoon,

Woh mujhe rulaey to koi baat nahin,

Main ro kar bhi usey hansaney ka sochta hn...!!!

Wo meri zindagi me aaya!

Banke ik saaya wo meri zindagi me aaya!

Na jaane kaun, aaya kaha se thaa ? ........

Aahat Se Uski Mujhe Hone Lagi Thi Wahshat,

Par woh mujh ko Paigham-e-mohabbat De Gaya Tha !

Dil mein uthi Tadap, us ki Sakhawat dili ki wajah se,

Aur aisa nasha hua, jo ki jaavedaa tha!

Us ke aane say jo is dil main roshni hui hai ab

Warna to is dil mein koi taara bhi na chamka tha

Dekha Jab sab ne , meri aankho main us ka chehra,

Sab ko laga aaj who mujhey apney dulhan bana gaya tha!

Tumhari zindagi mein main kahan par hoon?

Tumhari zindagi mein

main kahan par hoon?

Hawa e subha mein

ya sham k pehlay sitaray mein

jhijakti boonda baandi mein

keh bayhad taiz barish mein

ro pehli chandni mein

ya keh phir tapti dopeharon mein

bohat gehray khayalon mein

keh bayhad sarsari dhuun mein

tumhari zindagi mein

mein kahan par hoon,

keh ik khaab e muhabbat tootnay,

aur doosra aaghaz honay kay,

kahin maabain ik baynaam lamhay ki faraghat?

Tumhari zindagi mein

main kahan par hoon?